Emvod-meur

Emvod-meur an Ubapar a oa bet d’ar gwener 2 a viz Even 2023 e Kergrist-Moelou (22). Un digarez e oa bet evit ar youlidi hag an dud a vicher da eskemm, rannañ, deskiñ, kompren, dizoloiñ ha mont war raok holl asambles.

Gant an enkadenn yec’hed e labour muioc’h c’hoazh ar c’hevredigezhioù gant ar binvioù niverell evit labourat a-bell.

Stummadurioù an UBAPAR

A-hed ar bloaz e vez kinniget stummadurioù gant an UBAPAR d’an dud a vicher ha d’an dud a youl-vat. Plediñ a ra ar stummadurioù-se gant an deskadurezh d’an endro, ar buheziñ, an urzhiataerezh... Disoc’h ur c’henlabour don etre an UBAPAR ha kevredigezhioù eus hor rouedad e vezont peurliesañ.

Gouel 40 vloaz an UBAPAR

Emgav a roomp deoc’h evit dont da lidañ 40 vloaz an Ubapar d’ar sadorn 20 a viz Ebrel 2024 e Rostrenn en Aodoù-an-Arvor. Bez e vo ur brezegenn, abadennoù-buheziñ, ur sonadeg, ur fest-noz... Plijadur a vo, sur ha n’eo ket marteze !

DABU-DARE

Un ugent staj bennak a vez aozet bep bloaz gant an UBAPAR, e Breizh a-bezh. E galleg, e brezhoneg pe e gallaoueg e vez kaset ar prantadoù-se. En linenn emañ program ar stajoù, er rubrikenn Stummadurioù > Stummadur DABU-DARE.

Hor bodadoù

Endro, DABU-DARE, Dudi brezhoneg-gallaoueg, urzhiataerezh ha meiziantoù dieub, stummadurioù. Bodet e vez an dud meur a wech bep bloaz ha c’hoazh muioc’h dibaoe e vez implijet ar benveg vizio.

Skipailh rannvroel an UBAPAR e miz Ebrel 2022 e Terrug e-pad an devezhioù skipailh, eus an tu kleiz d’an tu dehou : Gwenaëlle evit an DABU-DARE, Awena evit an dudi brezhoneg ha gallaoueg, Pierrot evit merañ ar velestradurezh hag an arc’hant, Liesel (erlec’hiañ a ra Emilie) evit an deskadurezh d’an endro hag ar stummadurioù micherel, Jean-Marc evit an urzhiataerezhioù hag ar meziantoù dieub ha Riwanon evit buhez ar rouedad (hi a gemere ar poltred).