Urzhiataerezh ha meziantoù dieub

Perak vefe ur c’hevread deskadurezh pobl dedennet bras gant emdroadur padus ha fonnus an teknologiezhioù hag ar c’hehentiñ ? Perak lakaat war wel ar meiziantoù dieub da izili an UBAPAR ?

JPEG
JPEG

Evit kregiñ, petra eo ar meiziantoù dieub ?

Ar meiziantoù dieub o deus ur c’hod orin (giz rekipe ur gwastell) a zo digor ha dibrez d’an holl. Liammet eo d’un aotre a ro d’an implijourien pevar gwir diazez :

  • ar gwir da implij ar meiziant evit n’eus forzh peseurt implij
  • ar gwir da studiañ mont en dro ar programm hag azasaat anezhañ e-keñver e ezhommoù
  • ar gwir da dasparzhañ kopiennoù deus ar programm evit sikour ar reoù all
  • ar gwir da wellaat ar programm ha da skignañ d’an holl e welladennoù d’ar pubik evit ma c’hellfe an holl profitañ

Ha neuze, peseurt lañs en deus bed ar gevredigezhioù da labourat gant ar meiziantoù dieub?
Da gentañ eo ret kompren ez eo aozet bed an urzhiataerezh evit henchañ an bevezourien an industriezhoù urzhiataerezh (d’un doare emskiant pe peogwir o deus ezhomm deus an dra-se) war hentoù tizh kenwerzh an embregerezhioù bras deus ar Stadoù Unanet. Ur wech kaset war an tachennoù prevez-se ez omp buan-tre preiz ar bruderezh a lak ac’hanomp da vezañ dalc’h deus produioù ha servijoù a gas d’ar strad hor frankiz ha doujañs hor buhez prevez.

Ar gevredigezhioù n’o deus netra da c’hortoz deus poell an industriezh-se. Gant APRIL eo bet krouet ur strollad labour war liammoù ha lañsoù ar meiziantoù dieub ha bed ar gevredigezhioù.

Ar meiziantoù dieub, a gas war raok talvoud an dasparzh, en defe da vezañ respont naturel ar re o stourm evit ar c’heodedouriezh hag an deskadurezh pobl a-benn ledanaat o talvoudoù da bed an urzhiataerezh. Daoust ma vez kalz a soñjoù boutin etre ar meiziantoù dieub ha bed ar gevredigezhioù (rannañ, ar youl vad, an engouestlañ...) an urzhiataerezh dieub n’en deus ket ur plas bras er gevredigezhioù. Pa vez gwelet penaos ez a buan emdroadur ar meiziantoù dieub hag an doare ma glot muioc’h muiañ gant ar gevredigezhioù ez eus moaien da soñjal e c’hell an daou-mañ labourat muioc’h assambles. Pal ar strollad labour-se a zo "krouiñ pontoù etre ar meiziantoù dieub ha bed ar gevredigezhioù".