Labourzo

E 2010 e oa bet krouet al lec’hienn web Labourzo gant an UBAPAR evit sikour ar re a oa o kinnig postoù labour e brezhoneg da vont e darempred gant ar vrezhonegerien a oa o klask labour, hag ar c’hontrol ivez, ha kement-se war dachenn ar buheziñ, ar c’helenn hag ar sevenadur.

Berzh he deus graet al lec’hienn-se. Se zo kaoz eo bet divizet gant an UBAPAR digeriñ anezhi da gement tachenn labour brezhonek zo. Setu Labourzo 2.0, gant 11 rubrikenn :

  • Buheziñ (kampoù vakañsoù, kreizennoù dudi, hanterouriezh sevenadurel, dañs, sonerezh, sport...)
  • Diwall bugale (baby-sitting, skoazellerezed-mamm, magourioù)
  • Kelenn (skolaerien, kelennerien, kentelioù noz, stummadurioù hir, tañva d’ar brezhoneg...)
  • Skoazellerien skol (Atsem/Asem, buhezourien tro-skol, kasourien, AVS, skoazell labour noz...)
  • Kenwerzh, servijoù, labour-douar (touristerezh, artizanerezh, skoazell er gêr...)
  • Yec’hed (amiegezed, mezeien, klañvdiourien, leuñvourien, ortofonourien...)
  • Kehentiñ ha mediaoù (kazetennerezh, embann, levraouegoù, e karg eus ar c’hehentiñ, graferezh...)
  • Yezhoniezh (treiñ, dastum...)
  • Merañ ha melestradur (kenurzhiañ, ren, sekretouriezh, kontouriezh...)
  • Arzoù (c’hoariva, sinema...)
  • A bep seurt

Krouet zo bet un newsletter ivez, d’ar glaskerien labour koumanantiñ ha resev ar c’hinnigoù-labour diwezhañ, en o boest mail war-eeun.

Sifroù
515 den enskrivet, 1/3 a implijerien en o zouez
10 kinnig labour nevez bep miz

Mont war al lec’hienn Labourzo